Us bachpan ko main kaise bhoolun-

One for u mumma-papa.. ♥♥

* Un nanhe pairon se cham cham karti jab aati thi main..

Muskurati aankhein tumhari maa mujpe pyaar barsa deti thi..

Papa ki baahein dil khol ke gale laga leti thi..

“Us bachpan ko main kaise bhoolu..

Jab nanhi ungliyon ko pakde tum chalna sikhati thi”

* Barsaat dekh ke mann uchal sa jaata tha..

Saheliyon ki aawaz pe bahar bheegh jaane ka mann karta tha..

Do pal ko mana karke khud bhi aa jati thi..

Hamare bachpan ko dekh ke tum khud bachchi ban jati thi..

“Us bachpan ko main kaise bhoolu..

Jab nanhi ungliyon ko pakde tum chalna sikhati thi”

* Badhte badhte…padhte padhte kitne bade bachche ho jaate hai..

Maa ka dulaar aur papa ka laad kitne peeche reh jaate hai..

Ladko ko naseeb mein hai rehna maa pita ke paas..

Par hum ladkiyan hi hamesha siskati reh jaati hai..

“Us bachpan ko main kaise bhoolu..

Jab nanhi ungliyon ko pakde tum chalna sikhati thi”

*Aaj baithi hu tanha aur sochti hu ki kab humne socha tha…

Itne door hum ji bhi payenge..

Har baat pe maa papa se zidd karne wale unse door rehna seekh jayenge..

Waqt ne har mod sahara dia hai..aasra zindagi ka isi se bana hai..

Chaar din maa papa k paas rehkar khush ho jaati hai..isliye shayad hum laadli betiyaan saraahi jaati hai..

Lab muskurate huye par
Aankhein nam ho jaati thi..

“Us bachpan ko main kaise bhoolu..

Jab nanhi ungliyon ko pakde tum chalna sikhati thi”

Love you beyond words Mumma Papa

Penned by

Shalu RV💖